Formulario de Baixas

Queridas familias:

Coa chegada do verán, moitos de vós organizades vacacións e actividades diferentes para os vosos fillos e fillas. Entendemos perfectamente esta situación, pero queremos compartir convosco unha realidade importante para o noso club.

O club é moito máis que un lugar onde aprender a nadar: é un proxecto deportivo e educativo que construímos entre todos ao longo do ano. Para que este proxecto poida seguir medrando e ofrecendo a mellor formación posible, necesitamos contar coa colaboración e o compromiso das familias, tamén durante os meses de verán.

Os nosos adestradores continúan desenvolvendo o seu traballo e mantendo os seus contratos durante todo o ano. As cotas dos deportistas son fundamentais para facer fronte a estes custos e garantir a estabilidade do equipo técnico que acompaña aos nosos fillos e fillas cada día na súa evolución deportiva e persoal.

Por iso, pedímosvos que, na medida do posible, non tramitedes a baixa durante o período estival. A continuidade de cada deportista axuda a manter a estabilidade financeira do club e permítenos seguir ofrecendo un servizo de calidade para todos.

Queremos agradecervos de corazón a confianza e o apoio que depositades en nós. Grazas a esa colaboración podemos seguir traballando para que os nosos nadadores e nadadoras desfruten do deporte, aprendan valores e continúen progresando na natación.

Moitas grazas pola vosa comprensión.

Un cordial saúdo,

A Directiva

Tramitación da baixa do club

Se, a pesar de todo, necesitas solicitar a baixa (sexa temporal ou definitiva), sentimos moito a túa marcha. Queremos agradecer o tempo e o esforzo dedicados, así como o feito de formar parte desta entidade. Esperamos que esta etapa fose gratificante e que os nosos camiños volvan coincidir no futuro.

Para formalizar a baixa de xeito correcto, é necesario cubrir o formulario que aparece ao final desta páxina.

Condicións importantes para a tramitación

Co obxectivo de evitar a xeración de gastos innecesarios ao club ou incidencias nos pagos, pregamos que teñas en conta as seguintes normas:

Prazo límite: O formulario debe quedar debidamente cuberto antes do día 20 do último mes no que se participe na actividade.
Efectividade: De non realizarse o trámite nese prazo, a baixa non será efectiva ata o mes seguinte, procedéndose ao cobro da cota correspondente.

Moitas grazas pola colaboración e moitos éxitos nos novos retos que comecen a partir de agora.

Nome e Apelidos Nai / Pai / Tutor

DNI ou NIE Nai / Pai / Tutor

Número de teléfono

Correo Electrónico

Nome e apelidos do deportista

DNI / NIE do deportista

Data Nacemento

Equipo al cual pertenece

Escuela de Natación Boiro Club Natación Boiro

Data da Baixa

Marketing

Acepto recibir información de eventos, promocións e servizos do Club Natación Boiro.

RGPD

Lin e acepto a política de privacidade

A Sociedade Deportiva e Cultural Natación Boiro, como titular de https://clubnatacionboiro.es/, solicita o teu consentimento para tratar os datos deste formulario coa finalidade de rexistrar a inscrición da túa filla / fillo / persoa tutelada.

Os datos non se cederán a terceiros, salvo nos casos nos que exista unha obriga legal. En todo caso, os datos que nos facilitas están ubicados en servidores situados dentro do territorio da UE. Por motivo do uso de Google Fonts, é posible que algúns dos teus datos (como o enderezo IP) sexan tratados coa finalidade de prestar o servizo axeitado do mesmo. Podes acceder, rectificar e suprimir os datos, así como exercer outros dereitos, tal e como se explica na información adicional. Se non facilitas os datos solicitados como obrigatorios, isto pode dar como resultado a imposibilidade de cumprir coa finalidade para a que se solicitan.